Bir neçə gün öncə, 07 dekabr tarixində, Bakı şəhərində insanların sağlamlığı üçün fəaliyyət göstərən Qələbə Tibb mərkəzində, heç vaxt yaddaşımdan silinməyəcək bir görüşüm oldu. Bu görüş dəyərli alim, təcrübəli həkim, çox sadə,səmimi insan, uca Allahın yaratmış olduğu əziz bəndəsinə bəxş etdiyi ən ali xüsusiyyətləri üzündəki nuruyla bərabər özündə cəmləşdirən, dilində,dodağında,hər kəlməsində Allahı yad edən, çox hörmətli, əslən Qərbi Azərbaycandan, Göyçə mahalından olan sevimli Hacı Abbas Bağırovla elə onun Tibb Mərkəzindəki ofisində baş tutdu.


Abbas həkim oğlum Qeyslə məni sanki tibb ocağında deyil, öz isti evində, ocağında qarşılayirmış kimi qarşıladı. Doğrusunu deyimki, bizə qarşı olan bu həddən artıq isti, doğma münasibətdən, diqqətdən hətda bir az utandım da! Salamlaşıb sağollaşdığımız tam 3 saat zaman axınında nəinki Abbas həkimin söhbətinin şirinliyindən, bizə diqqətindən,hətda tez-tez ona müraciət edən passientlərə olan heyrətamiz dərəcədə xoş münasibətindən. onlara sağlamlıqları üçün həm dəqiq, həm də hərdən bir baməzə tövsiyyələrindən çox mənəvi zövq aldım.

Onun xəstəlik durumu ağır olan bir xəstəyə etdiyi ümid,inam dolu söhbəti ilə xəstənin üzündə yaranan sevincdən mən də sevindim belə.Bu görüşdə məni ən çox heyrətləndirən və sevindirən məqam isə, heç bir tibb mərkəzində təsadüf etmədiyim,ilk dəfə olaraq Abbas həkimin ofisində, öz masası ilə üzbəüz barıdan, ucadan asılmış bir tablo oldu. Bu sözü ilə.sazı ilə dünya durduqca yaşayacaq, sözü uca. özü uca, sazı uca olan Dədə Ələsgərin möhtəşəm portreti idi. “Ustada rəhmət, onu sevənlərə eşq olsun" dedim.

Abbas həkimlə necə səmimi görüşmüşdük, elə də səmimi sağollaşıb ayrıldıqdan dərhal sonra, Bakı şəhərində Qələbə Tibb mərkəzindən üzü 20 yanvar metrosuna doğru,oğlumla əl-ələ tutaraq, küçə ilə piyada yol gedə-gedə, bu unudulmaz görüşün xoş təəssüratından irəli gələrək düşünməyə başladım. Ürəyimdən bu sözlər keçdi.”İlahi, səni sevən, sən sevən bəndə necə gözəl, necə pak olurmuş! Bu gözəl insanı,ürəyi, diləyi yalnız və yalnız Allaha, onun bəndələrinə, o cümlədən doğma yurduna.elinə sonsuz sevgi bəsləyən bu əziz bəndəni qoru İlahi! Onu, verdiyin o uca məqamdan daha uca elə Allahım!”

Sizi tanıdığım üçün, sizinlə dostluğum, bir eloğlu olduğum üçün bütün dostlar kimi, bütün Göyçəlilər kimi mən də qürur duyuram əziz Hacı Abbas həkim.Nə yaxşı ki, varsız! Varlğınız insanlığa, insanlara, həkimlərə bir ali numunədir. DAİM VAR OLUN!
Və mən buradan bir daha hörmətli Abbas həkimə, onun rəhbərlik etdiyi Qələbə Tibb Mərkəzinin bütün həkimlərinə, zəhmətimizi çəkən,qayğımıza qalan bütün kollektivə ailəmiz adından təşəkkürümüzü bildirərək, bu dəyərli kollektivə insanların sağlamlığı keşiyində uğurlar diləyirəm.

İnsanların sağlamlığı keşiində olan bütün həkimlərin xəstələrə münasibətdə Abbas həkimə oxşamasını arzu edərək bəzi həkimlərə ünvanlanan bir şeirimi diqqətinizə çatdırmaq istəyirəm.




Bu yazımı isə ötən il Abbas həkimə ünvanladığım SALAM dolu bir şeirim ilə tamamlayaraq. yeni görüşümüzdə SALAM deyənədək sağ olun Abbas həkim, deyirəm.