Cəmi 48 il yaşadı.
Dördün iki misli səkkiz edir, əslində elə qırx səkkizin də iki mislini yaşadı- 96, bəlkə də daha çox!
Bir ömür içərisinə bu qədər hesab-kitab yerləşməz, ona görə deyirəm!
"Xocalı alınsın, sonra Allah mənim canımı alsın!" deməyinlə və Xocalının alınmasından 3 gün sonra əbədiyyətə qovuşub "əbədi sağ qalmağınla" təsdiqlədin məsumluğunu!
Axı neynirdin bu münacatı, bu pənahəndəliyi, bu hacəti?
-Elə Sən də xımır -xımır yeyib- yuxulayıb, Co ilə Makaronu "nakauta salıb gəlmiş adamlar" kimi oturmuşdun da!
Bu sualın cavabını mən bilirəm, Əziz Qənirə Xanım, elə də deyil! Allah hökmlərini ən çox sevdiyi insanların dilinə gətirdikdən sonra qərar verər. Necə ki, Qurani Kərimdə buyurur." Uduuni, əstə cibləkum!" -"sən istə (dua et) mən verim!" Allah c.c bu müzəffərliyi, qalibiyyəti Sənin dilindən qəbul etməyi seçdi və qərar verdi! Məqam deyil , nədir bəs bu!?

Minlərdən birinin duası müstəcəb olduqda baş verər niyyət, istək, arzu və diləklərin gerçəkləşməsi!
Dəvə qurbanı deyənlər , qoç qurbanı deyənlər, nə bilim ayrı nələr qurban deyənlər çox görmüşük. Vətən torpağı üçün əsgərlərimiz döyüş meydanında şəhid oldu, SƏN isə niyyət və dua meydanında özünü qurban deməklə şəhid oldun, mötəbər, şərəfli, qeyrətli İNSAN !
Mən Hicazda İbrahim ə.s-ın, Kərbəlada Xanım Zeynəb s.ə-nın. və i.a. dualarının necə qəbul olduğunu oxumuşam! Onların biri Allahın peygəmbəri, digəri isə Məhəmməd Peyğəmbərin s.ə.s. nəvəsi, Əli ə.s., Fatimeyi _Zəhra s.ə. -nın qızıdır!
Bəs Sən !?
Yerdənmi zühr etdin, göydənmi endin, haradan gəlmişdin!?
İstəyin oldu, Xocalı da, Vətən torpağı da azaddır artıq!
İnsanın ən gözəl uyuduğu yer ANASININ qucağıdır!
Bu Vətən də Sənin ANANDIR Bacı, ən rahat beşiyinin uyu qucağıda, halalındır!
Şəhadətə yetmişlərin, dusaı qəbul olmuşların səfində Behiştə, Ədn və Nəimə gedən uzun yolçuluğun mübarək olsun UNUDULMAZ QƏNİRƏ XANIM-Həqiqətin QƏNİRSİZlLİYİ!