Xəbərlər
2.10.2026, 00:06
Sevinc Yunuslu : Məni sən gətirmisən... - FOTO
Qoy bükülsün ruhuma
İnam, iman bir də sən.
Bir haldakı səcdəyə
Məni sən gətirmisən..
Deyim hardan gəlmişəm?
Divlərin pəncəsindən.
Monastır ürəyinin
Şimal pəncərəsindən..
Sən saçımı dağıdan
Küləklərindən danış..
Əllərimi tanıyan
Biləklərindən danış..
Qurudu qan damlayan
Gözlərimin yaş yeri.
Dağıtdın yaddaşımdan
Min illik nimdaş yeri..
Bunu necə bacardın
Adam, adam, ay adam?!
Söylə görüm nəçisən?
Səndə Yaqub səbri var
Bəlkə tərbiyəçisən..
Daha Tanrılıq eylə
Çıx İsalıqdan danış..
Adamlardan danışma,
Sudan, balıqdan danış..
Qoy bükülsün ruhuma
İnam, iman bir də sən.
Bir haldakı səcdəyə
Məni sən gətirmisən..
Son xəbərlər
Ən çox oxunanlar
- Bu gün
- Bu həftə
- Bu ay
