Xəbərlər
11.07.2023, 00:45
Vətən hardan başlayır? - FOTOLAR
Vətən hardan başlayır?
Şəhidi uyuyan hər bir məmləkətdən Vətən sevgisi başlayır.
Bir Vətənin şəhidi yoxsa o vətənin torpağı da yoxdur deyilir. Bu amalla canından keçən Mingəçevir şəhidlərini ziyarət etməyə "Qəbələnin səsi" ədəbi yazarlar birliyinin üzvləri birliyin rəhbəri Şəhla Xəlil qızı, müavini Mirhəsən Ağayev, tənqidçi şairi Cəlil Xeyirbəy, Mirseyif Ağayev,Elmira
Abdurahmanqızı,Elza Gülməmmədova,Simuzər Mustafayeva,Mənsurə Ağayeva,Elmira xanımın bacısı, şəhidlərinin ziyarətinə, valideyinlərinə az da olsa təskinlik verməyə isti bir yay günündə Mingəçevirə ezam olundu.Tədbirin təşkilatçıları Elmira Abdurahmanqızı və Mirseyif Ağayev olmuşdu .
Məqsədimiz iki oğlu bir gündə itirən şəhidlərimizin anası Sevinc ananı ziyarət etmək idi.Bu minvalla yola düşdük. Yolda Cəlil müəllim şəhit Təbriz Cumuzadənin ata anasını da dəvət etdi. Sonra əslən Qəbələli olan Mingeçevir şəhərində yaşayan şair pedaqoq Ənvər Durucalıya zəng edib gəlişimizdən agah edərək onu şəhidlər xiyabanına dəvət etdik.
Öncə biz Əli və İslamın anası Sevinc ananı ziyarət etdik. Bu ziyarətə getdiyiniz ocağın həsrəti bizim canımızı bürüdü.Yoldaşı İlqar bəydən sonra iki oğlu bir gündə itirən ana. Aralarında 1 saat vaxt olan şəhid Əli və İslamın anası o yurdda tək yaşadığı evi muzeyə döndərərək onlarla danışıb acılı şirinli xatirələrini bölüşüb özü demişkən zamanını gözləyir.Gün gələcək məqamına qovuşacaq deyirdi.Ana Mirseyif müəllimi görəndə çox sevindi, sanki dünya ona bəxş olunub. Sən demə şair qardaşımız öz həyat yoldaşı ilə tez -tez ananı ziyarət edir.Mirseyif müəllim az vaxta kimi həyat yoldaşı dünyasını dəyişəndən sonra özü tək gəlib bu ananı ziyarət edirdi.Çox sağ olsun şəhidləri yad edən hər bir kəs.Az vaxt keçmədi şəhid Təbriz Cumuzadənin ata anası da gəldi. Biz evdə xatirə şəkili çəkəndən sonra şəhidlər xiyabanını ziyarətə getdik.Şəhidlərimizin ziyarət anı şəhid İbrahimov Elmanın anası oğlunun məzarını ziyarət edirdi. Eşidəndə ki Qəbələ yazarları gəlib ananın qəlbində bir doğmalıq hissi oyandı. Çünki biz bu şəhidlər xiyabanına getmişdik və sosial şəbəkələrdə paylaşımlar etmişdik. Şəhidlərimizi ziyarət edəndən sonra biz şəhidlər muzeyinə getdik. Orda imzamızı atdıq və şəhid anaları ilə görüşdük. Ordan biz Təbriz Cumuzadənin ata ocağına gəldik. Ailəsi ilə onun ev muzeyini ziyarət etdik.
Bu gün ziyarətinə getdiyimiz şəhidlərin valideyinlərinin könlünü azda olsa ala bildiksə, bu bizim üçün bir şərəfdir.
Şəhla Xəlil qızı ,
"Qəbələnin səsi" ədəbi yazarlar birliyinin rəhbəri.
Son xəbərlər
Ən çox oxunanlar
- Bu gün
- Bu həftə
- Bu ay
