Türkiyəli aktrisa Aslı Envər və əri Berkin Gökbudak Türkiyəni tərk edirlər.

"Turaztv.az" "Unikal"-a istinadən xəbər verir ki, səhiyyə sektorundakı karyerası səbəbindən Praqaya köçmək qərarına gələn Gökbudak, həyat yoldaşı və qızı Elayla birlikdə Çexiyanın paytaxtında yaşamağa hazırlaşır. Gökbudak yeni vəzifəsindən sonra sosial media paylaşımında köçün təfərrüatlarını paylaşıb.

Əczaçılıq sənayesində yüksək vəzifə tutan Gökbudak, iyul ayından bəri "Johnson & Johnson Innovative Medicine" şirkətinin Çexiya üzrə baş meneceri vəzifəsində çalışır. 2022-ci ildə Aslı Envərlə evlənən Berkin Gökbudak sosial media paylaşımı vasitəsilə bildirib ki, Praqa indi onların yeni həyatlarının mərkəzi olacaq. Gökbudakın Praqaya köçməsinin səbəbi onun biznes dünyasındakı yeni roludur. Hazırkı LinkedIn profilində o, "Johnson & Johnson Innovative Medicine"nin Çexiya Respublikasındakı baş meneceri kimi göstərilir. Gökbudak bu vəzifəni 2026-cı ilin iyul ayında tutub.

Əczaçılıq sənayesində 17 ildən çox təcrübəsi olan Gökbudak karyerası boyunca müxtəlif ölkələrdə və regional vəzifələrdə çalışıb. Gökbudak bildirib ki, yaxın həftələrdə tamamilə Praqada məskunlaşmağa hazırlaşırlar və yeni vəzifəsində Çexiya səhiyyə sisteminin, xəstələrin və səhiyyə işçilərinin ehtiyaclarına diqqət yetirəcək.

Aslı Enverin Türkiyədəki karyerasının aqibəti isə bəlli deyil.