Fransalı ekspert Yannik Kolonun araşdırması maraqlı faktı üzə çıxarıb.

"Turaztv.az" "Unikal" -a istinadən xəbər verir ki, qiymətli metallar üzrə ekspert Fransa Bankının (ölkənin mərkəzi bankı) 1961-1960-cı illərdə saxta pullar hazırlamaqla məşğul olduğunu iddia edib. Arxivdə araşdırma aparan mütəxəssisi qeyd edir ki, iş tam məxfi şəkildə həyata keçirilib. Bu barədə hökumət qərarı olmayıb. Arxivdə yalnız bank sədrinin tam məxfi təlimatı saxlanılır.


Tədqiqatçı qeyd edir ki, İkinci Dünya müharibəsindən sonra boşalan xəzinəni doldurmaq üçün Fransa hökuməti 1907-1914-cü illərdə tədavüldə olmuş qızıl sikkələri yenidən qeyri-rəsmi şəkildə dövriyyəyə buraxıb. Halbuki bu pullar 1926-cı ildə qanuni ödəniş vasitəsi hüququnu itirmişdi.

Mərkəzi Bank sözügedən sikkələrin surətlərini hazırlayaraq zərb etdirir. Bu zaman orijinal təsvir qorunsa da, əyar azaldılır. Orijinal sikkənin əyarı 900 olduğu halda, yeni “saxta-doğru” sikkədə əyar 897,3-ə endirilir. 37,5 milyon ədəd qızıl sikkə zərb edən hökumət bu yolla 657 kiloqram qızıla qənaət edir, həm də satışlardan kifayət qədər vəsait əldə edir.

Bu gün də dövriyyədə olan sikkələr Fransanın maliyyə sistemi üçün ziddiyyət mənbəyinə çevrilib. Dövlət qurumları 5000 avroluq həddi keçməyənədək bu pulların satışına vergi tətbiq etmir. Halbuki orijinal Napoleon sikkələrinin satışına 11,5 faiz vergi tətbiq olunur.