Ukrayna prezidenti Volodimir Zelenski "X" sosial şəbəkəsində Ukrayna münaqişəsinə tez bir zamanda son qoymağa çağıran yazı dərc edib.

"Turaztv.az" "Unikal"-a istinadən xəbər verir ki, onun sözlərinə görə, Kiyev ABŞ və onun avropalı tərəfdaşları ilə birlikdə işləyir və “sülhə gedən yolda” Vaşinqtonun dəstəyinə çox ümid edir.

“Bu müharibəni mümkün qədər tez bitirmək üçün diplomatiyamızı həqiqətən mənalı etməyə çalışmağımız çox vacibdir. Bizə əsl sülh lazımdır və ukraynalılar bunu hər şeydən çox istəyirlər. Çünki müharibə şəhərlərimizi və qəsəbələrimizi məhv edir. Biz insanlarımızı itiririk. Biz müharibəni dayandırmalı və təhlükəsizliyi təmin etməliyik. Mümkün qədər tez sülh lazımdır”, - deyə Ukrayna dövlət başçısı bildirib.