Azərbaycan Respublikası Cənubi Qafqazın şərqində,Xəzər dənizinin qərb sahilində yerləşir. Paytaxtı Bakı şəhəridir. Ölkəmiz gözəl və zəngin təbiəti ilə seçilir.Naxçıvan,Şəki,Zaqatala,Qusar,Lerik,Şamaxı,Şuşa,Ağdam kimi bölgələrin bir-birindən əsrarəngiz fərqlilikləri var.Azərbaycan adı bir tərəfdən bu ərazidə eradan çox-çox əvvəl yaşıyan əhalinin əksəriyyətinin atəşpərəst olması ilə bağlıdır.Əbədi yanar od qədim zamanlardan paytaxt Bakının yerləşdiyi Abşeron yarımadasının simvolu hesab olunur. Çünki ərazilərimizdə təbii olaraq yanan məşəllərimiz var.

Təbiətdəki möcüzələrimizdən biridə Abşeron yarımadasında Məhəmmədi kəndində “Yanar Dağ”dır. Suraxanıda isə heç vaxt sönməyən odun üzərində “Atəşgah” adlı qədim abidə var. Azərbaycan ərazisi arxeoloqlar üçün zəngin bir mənbədir. Qarabağda Azıx mağarasında aparılan qazıntılar Azərbaycanda 2 milyon il əvvəl insan izlərini aşkar edib. Azərbaycanda dövlətçilik tarixinin 5 minillik yaşı var. Bu ərazidə ilk dövlətlər b.e.ə 4-3 minilliklərdə yaranıb. Azərbaycan qədim mədəniyyət ölkəsidir. Xalqımızın istedadı və yaradıcılıq qüdrəti “Kitabi-Dədə Qorqud”, “Koroğlu” və bir çox başqa epik abidələrdə təcəssüm edib. Bu əsrarəngiz məmləkət filosofların,alimlərin,şairlərin,memarların,musiqiçilərin,rəssamların vətənidir. Azərbaycan eyni zamanda Şərqdə klassik musiqinin beşiyi kimi tanınır. Üzeyir Hacıbəylinin “Leyli və Məcnun” operası ilk dəfə 1908 ci ildə səhnəyə qoyulub. Bunun ardınca “Qız qalası” baleti müsəlman şərqində ilk dəfə oynanılıb.

Azərbaycan zəngin memarlığı ilə tanınır. Ölkənin tarixinin hər dövrü müəyyən bir iz saxlıyıb. Dünyanın bir çox muzeylərində Azərbaycan ustalarının metal,keramika,ipək və ağacdan yaradıqları dekorativ sənət nümunələri saxlanılır. Azərbaycan deyəndə göz önünə həmdə onun əsas sərvəti olan neft gəlir. Neft təkcə sərvət yox,həmdə şöhrətdi. Min illər boyu tuluqlara doldurulmuş nefti Şərqə,Qərbə dəvə karvanları ilə aparırdılar. Azərbaycandan aparılan neftdən təkcə yandırmaq üçün yox,həmdə bir çox xəstəliklərdə qiymətli dərman kimi istifadə edirlər. Qafqaz nəqliyyat dəhlizinin inkişafında lahiyələrin gerçəkləşməsində Xəzəryanı və Qafqaz regionunda mühüm rol oynayan bir dövlətə çevrilib.

Azərbaycan öz tarixi missiyasını davam etdirir və qərblə şərqi mükəmməl şəkildə bir arada tutur və doğmalaşdırır.

Bayramov Pərvin,
Azərbaycan Universitetinin 1-ci kurs tələbəsi