Rumıniyanın FCSB klubunun baş məşqçisi Elias Xaralambus Avropa Liqasının 7-ci turunda sabah Bakıda “Qarabağ”la keçiriləcək oyun üçün təşkil olunan mətbuat konfransında açıqlama verib.

"Turaztv.az" “Qafqazinfo”-ya istinadən xəbər verir ki, o, sabahkı oyundan gözləntilərindən və heyətləri ilə bağlı problemlərdən danışıb:

“Bizi güclü komanda ilə qarşılaşma gözləyir. “Qarabağ” və onun baş məşqçisi kifayət qədər təcrübəlidirlər. Bizim üçün çox çətin olacaq. Heyətimizdə bəzi itkilər var, ona görə də alternativlər haqda düşünürük. Amma düşünürəm ki, biz bunun öhdəsindən gələcəyik və bu, oyuna çox təsir etməyəcək”.

Qeyd edək ki, sabah Tofiq Bəhramov adına Respublika stadionunda keçiriləcək “Qarabağ” - FCSB matçı saat 21:45-də başlayacaq. Turnir cədvəlində “Qarabağ” 3 xalla 33-cü, FCSB 11 xalla 10-cu sıradadır.