Xəbərlər
23.06.2023, 01:50
III Avropa Oyunları: Dörd taekvondoçumuzun rəqibi müəyyənləşib
Turaztv.az AZƏRTAC-a istinadən xəbər verir ki, multi-idman turnirində Azərbaycan millisinin 4 idmançısının da ilk rəqibləri müəyyənləşib.
Təmsilçilərimizin hər biri yarışa səkkizdəbir final mərhələsindən qoşulacaq.
Millimizin üzvü Səyyad Dadaşov (54 kq) almaniyalı Xalid Abdel Halimlə üz-üzə gələcək. Qaşım Maqomedov (58 kq) startda Aymen Açnineni (Niderland) sınağa çəkəcək. Turnirdə 46 kiloqram çəki dərəcəsində çıxış edəcək Minayə Əkbərova debütdə Sofiya Zampetti (İtaliya) ilə gücünü sınayacaq. Patimat Abakarova (49 kq) isə ilk görüşünü Sufarada Kisskalta (Almaniya) qarşı keçirəcək.
Azərbaycan millisi Avropa Oyunlarında 8 taekvondoçu ilə təmsil olunur.
İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparır. Mübarizə 29 növ üzrə 253 dəst medalın sahibini müəyyənləşdirəcək. Azərbaycan “Krakov-2023”də 13 növ üzrə 86 idmançı ilə təmsil olunur.
Qeyd edək ki, tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında “Bakı-2015”də 2-ci, “Minsk-2019”da 10-cu yeri tutub.
Son xəbərlər
Ən çox oxunanlar
- Bu gün
- Bu həftə
- Bu ay
