Polşada keçirilən III Avropa Oyunlarında boks yarışlarının püşkü atılıb. Püşkə əsasən, Azərbaycan millisinin idmançılarının da ilk rəqibləri bəlli olub.

Turaztv.az AZƏRTAC-a istinadən xəbər verir ki, iyunun 23-də start götürəcək yarışın ilk günündə yığmamızın 2 boksçusu mübarizəyə qoşulacaq. Ümid Rüstəmov (57 kq) Ronald Veresi (Macarıstan), Malik Həsənov (63,5 kq) isə Bartlomey Roskoviçi (Polşa) sınağa çəkəcək.

III Avropa Oyunlarının boks yarışları iyunun 23-dən iyulun 2-dək “Novı Tarq Arena”da baş tutacaq. Avropa Oyunları həm də “Paris-2024” Yay Olimpiya Oyunlarına lisenziya xarakteri daşıyacaq. Kişi boksçular arasında 51 kq, 92 kq və +92 kq, qadınlarda 75 kq çəki dərəcələrində finalçılar, digər bütün çəkilərdə yarımfinalçılar Olimpiadada iştirak hüququ qazanacaqlar.

Yarışda 42 ölkədən 325 boksçu 13 çəki dərəcəsində qalibi müəyyənləşdirəcək.

III Avropa Oyunları

1/16 final

23 iyun

Ümid Rüstəmov (57 kq) – Ronald Veres (Macarıstan)

Malik Həsənov (63,5 kq) – Bartlomey Roskoviç (Polşa)

24 iyun

Murad Allahverdiyev (80 kq) – Kevin Şumann (Almaniya)

Alfonso Dominqes (92 kq) – Yan Zak (İsrail)

Zeynəb Rəhimova (54 kq) – Lenuta Periyoç (Rumıniya)

25 iyun

Sərxan Əliyev (71 kq) – Mixal Takacs (Slovakiya)

Məhəmməd Abdullayev (+92 kq) – Uğur Aydemir (Türkiyə)

1/8 final

26 iyun

Məsud Yusifzadə (51 kq) - Atilla Bernat (Macarıstan)/David Alaveryan (İsrail)

Şəhla Allahverdiyeva (66 kq) – Oşin Deriyuv (Belçika)

27 iyun

Anaxanım İsmayılova (50 kq) – Soares De Pino (Portuqaliya)

Məhsəti Həmzəyeva-Ağamalıyeva (57 kq) – Tatevik Xaçatryan (Ermənistan)

Aynur Rzayeva (75 kq) - İrina Şoenberger (Almaniya).