Ukrayna Prezidenti Volodimir Zelenski Rusiyanın hazırda müharibəni dayandırmağa hazır olmadığını və Rusiya Prezidenti Vladimir Putinin danışıqlardan yayınmaq üçün daim bəhanələr tapdığını bildirib.

"Unikal" xəbər verir ki, bu barədə xarici KİV məlumat yayıb.

Onun sözlərinə görə, ABŞ da vəziyyəti eyni şəkildə qiymətləndirir və müharibəni dayandırmaq üçün Rusiyaya təzyiqi artırmaq lazımdır. Zelenski qeyd edib ki, Ukrayna bu istiqamətdə ABŞ, Avropa ölkələri, Kanada, Yaponiya və digər tərəfdaşlarla əməkdaşlıq edir.

Zelenski həmçinin vəziyyəti dəyişdirmək üçün yaxın günlərdə və oktyabr ayında aktiv diplomatik işlərin planlaşdırıldığını açıqlayıb. Onun sözlərinə görə, Lindsi Qrehemin qanun layihəsi də daxil olmaqla, digər təzyiq mexanizmləri də işə salınmalıdır.