Xəbərlər
27.09.2026, 22:47
Adilə Aslanova : QALİB QƏHRƏMAN - FOTO
Onlar bizim qürur və fəxarət yerimizdir!
XTQ - in kapitanı, Vətən Müharibəsi Qəhrəmanı İsmayıl Səmədovun əziz xatirəsinə həsr elədiyim " Otuzuncu vərəq " poemamdan parça
QALİB QƏHRƏMAN
Tezdən xəbər gəldi ,ey kəndim, ayıl !
Bir igid büründü üç rəng bayrağa.
Yer yerdən ayrıldı, aman İsmayıl,
Necə qıyacaqlar səni torpağa?
Ata axtarırdı iki körpəsi,
Gələn kim, gedən kim, duymurdu hələ.
Bir məğrur qadının zərif çöhrəsi,
Ayrılıq sözünə uymurdu hələ.
Hələ getməmişdi əlin xınası,
Qönçə arzuları şəhid, bu qızın.
Gözündə qaynayan gənclik havası,
Pünhan xəyalları şəhid, bu qızın.
Bilirdi hərb nədir, həsrət, həyəcan...
Sevgisi bir qürur qalası idi.
Gənclik xəyalları yanan, qovrulan,
Bu yurdun bir məğrur balası idi.
İsmayıl, şəhidlik ən uca zirvən!
Məqsədin, məramın azad torpağın!
Bəsirət gözünlə sən görəcəksən,
İndi başlayıbdır yeni növrağım!
Şəhid eldən gedir, eldən gedəni,
Nə tarix unudur, nə də ki zaman.
Balantək qorusun Ana Vətəni,
Layiqli adını verdi Komandan.
Yarı yolda qalan arzularını,
Qeyrətli oğullar vurdular başa.
Müqəddəs ruhunla aramızdasan,
Ey qalib Qəhrəman, yaşa, çox yaşa!!!
Son xəbərlər
Ən çox oxunanlar
- Bu gün
- Bu həftə
- Bu ay
