Xəbərlər
4.10.2026, 20:28
Şəhla Xəlilqızı : Yeni şeir nümunəsi - FOTO
Dağ döşündə bitən kollar,
Mənə yol göstər, nə olar,
Bu dağlarda izim qalar,
Hicranından qopar məni.
O, yollara apar məni.
Ayrı düşdü ceyran dağdan,
Bülbül küsüb deyir bağdan,
Heyif ötən o xoş çağdan,
Hicran qəmə qatar məni,
O, yollara apar məni.
Gözüm qubar, qəlbim yara,
Yar dərdimə eylə çara,
Ayrılığın çəkib dara,
Aparsa da qatar məni,
O, yollara apar məni.
Dil dolaşır sözüm donur,
Kədər saçlarımı yonur,
Hicran gəlib qəlbə qonur,
Harda qəm var tapar məni,
O, yollara apar məni.
Həsrət bulud kimi durub,
Taleyimin boynun burub,
Sinəm üstə binə qurub,
Kədər oda atar məni,
O,yollara apar məni.
Çənə düşmüş çiçək kimi,
Eşqdə yanan ürək kimi,
Yeriməyə dilək kimi,
Köhlən kimi çapar məni,
O,yollara apar məni.
Şəhla, səsin düşsün elə,
Qəm də səni etdi kölə,
Oda atdı bilə -bilə,
De yar bir gün tapar məni,
O, yollara apar məni.
Son xəbərlər
Ən çox oxunanlar
- Bu gün
- Bu həftə
- Bu ay
