Xəbərlər
5.10.2026, 13:13
Qəzənfər Məsim oğlu : MÜƏLLİMİM - FOTO
MÜƏLLİMİM
Necə şərəflidir, ucadır adın,
Girməz meydanına sar, Müəllimim.
Mənə kim olubsan, mənimçün kimsən,
Çəkmişəm aləmə çar, Müəllimim.
Zəhmətlə bağ salıb, barın dəribsən,
Nə qədər sirləri açıb, səribsən.
Elə od veribsən, atəş veribsən,
Yağmaz ürəyimə qar, Müəllimim.
Haqqın var dərsindən dərs alan kəsdə,
Əkdiyin güllərin ətrini istə.
Hara gedirəmsə yolumun üstə
Sənintək mayakım var, müəllimim.
Tövsiyən dəyərli, öyüdün dərin,
Ömrün hər anında görünür yerin.
Arxam, dayağımdı öyrətdiklərin,
Görmərəm bir çətin, dar, Müəllimim.
Aylardan, illərdən damıb, dolmuşam,
Eşqin göylərində qanad çalmışam.
Ülvi sevgi ilə sevib olmuşam,
Torpağa, Vətənə yar, Müəllimim.
Necə şərəflidir, ucadır adın,
Girməz meydanına sar, Müəllimim.
Mənə kim olubsan, mənimçün kimsən,
Çəkmişəm aləmə çar, Müəllimim.
Zəhmətlə bağ salıb, barın dəribsən,
Nə qədər sirləri açıb, səribsən.
Elə od veribsən, atəş veribsən,
Yağmaz ürəyimə qar, Müəllimim.
Haqqın var dərsindən dərs alan kəsdə,
Əkdiyin güllərin ətrini istə.
Hara gedirəmsə yolumun üstə
Sənintək mayakım var, müəllimim.
Tövsiyən dəyərli, öyüdün dərin,
Ömrün hər anında görünür yerin.
Arxam, dayağımdı öyrətdiklərin,
Görmərəm bir çətin, dar, Müəllimim.
Aylardan, illərdən damıb, dolmuşam,
Eşqin göylərində qanad çalmışam.
Ülvi sevgi ilə sevib olmuşam,
Torpağa, Vətənə yar, Müəllimim.
Son xəbərlər
Ən çox oxunanlar
- Bu gün
- Bu həftə
- Bu ay
