Qabil Hüseynli: “Bununla göstərmək istəyirlər ki, guya problemin həlli istiqamətində səylərini davam etdirirlər”


Mayın sonunda Minsk qrupu həmsədrlərinin regiona səfəri gözlənilir.

Ermənistanın öz təcavzükar mövqeyindən bir addım da olsun imtina etmədiyi, işğal edilmiş ərazilərdə yallı oynadıqları, hərbi təlimlər keçirdikləri bir zamanda həmsədrlərin bölgəyə səfəri nəyisə dəyişə bilərmi? Bu səfərlərin hər hansı məna və əhəmiyyəti mövcuddurmu?

Moderator.az-a açıqlama verən politoloq Qabil Hüseynli məlum səfərlərin görüntü xarakteri daşıdığını qeyd etdi:

“Təbii ki, bu səfərlər sadəcə görüntü xarakteri daşıyır. Həmsədrlər bununla göstərmək istəyirlər ki, guya Qarabağ probleminin həlli istiqamətində səylərini davam etdirirlər. Bu səfərlərdə məqsəd məhz problemin həlli ilə bağlı səylərin davam etdiyi görüntüsünü yaratmaqdır. Yəni bu səfərlər imitasiya xarakteri daşıyır və problemin həllinə real olaraq hər hansı töhfə vermir. Bu günə qədər olan səfərlərin təhlili də bunu söyləməyə əsas verir”.