Qasım Qasımov
YAP Qobustan rayon təşkilatının sədri

Yeni Azərbaycan Partiyası Qobustan rayon təşkilatı tərəfindən partiyanın veteran üzvlərindən olan, Qobustan şəhər sakini, Eldar Babaşovun 70 illik yubileyi münasibətilə onunla rayon təşkilatının qərargahında görüş keçirilmişdir.
Görüşdə Qobustan şəhər ərazi partiya təşkilatının sədri Səid Rəhimov iştirak etmişdir.YAP Qobustan rayon təşkilatının sədri Qasım Qasımov Eldar Babaşovla söhbətində qeyd etmişdir ki, yubiliyar YAP rayon təşkilatının yarandığı gündən partiya sıralarına qəbul olunmuşdur .
Yubilyar uzun illər “Azərişıq”Açıq Səhmdar Cəmiyyəti Qobustan Elektrik şəbəkəsində müxtəlif vəzifələrdə çalışmışdır.
YAP Qobustan rayon təşkilatının sədri Qasım Qasımov daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.
Görüşün sonunda partiya veteranı Eldar Babaşova rayon təşkilatının ictimai-siyasi həyatında fəal iştirakına və 70 illik yubileyi münasibətilə Fəxri Fərman və xatirə hədiyyəsi təqdim edilmişdir.
Sonda çıxış edən partiya veteranı Eldar Babaşov göstərilən diqqət və qayğıya görə Prezident, Yeni Azərbaycan Partiyasının Sədri cənab İlham Əliyevə və çox hörmətli Mehriban xanım Əliyevaya təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.Yubiliyarla xatirə şəkilləri çəkilmişdir.