"Müharibə Rusiyaya qayıtmalıdır".

"Unikal" xəbər verir ki, bunu Ukrayna Prezidenti Volodimir Zelenski deyib.

"Müharibə zamanı qəzəb xalqımız üçün tamamilə haqlı bir hissdir. Amma qəzəbin arxasında bir şey olmalıdır. Bu, sadəcə qəzəb ola bilməz və bunu ruslar hiss etməlidirlər: müharibə Rusiyaya, təcavüzə başlayan ölkənin ərazisinə qayıtmalıdır.

Bu il biz onlara ciddi ziyan vurmağa başladıq. Müdafiə sənayemiz, müdafiə qüvvələrimiz, istehsal müəssisələrimiz müharibəni geri qaytarmaq prosesinə başlayıb. Ruslar bizə hər gün zərbə endirir və biz hər gün cavab verəcəyik. Cavablar hər keçən gün artacaq.

Dünən biz onların Tümen bölgəsindəki neft emalı zavoduna zərbə endirdik. İki yeni "Fire Point" dronu hədəfi birbaşa vurdu - 2070 kilometr məsafədə. Onlar 3000 kilometr məsafəyə çatacaqlar. Bunlar yeni dronlardır. Biz daha da irəli gedəcəyik, çünki onların hərbi zavodlarının, neft anbarlarının, qaz anbarlarının və s. harada olduğunu bilirik. Daha uzun məsafələr üçün bir vasitəyə ehtiyacımız var", - deyə Zelenski qeyd edib.