Xəbərlər
4.06.2026, 23:53
LİLPAR CƏMŞİDQIZI : Qəzəl aləmində hər dəm nə yazır, rəvan edirsən - FOTO
QƏZƏL
Məni, ey vəfasız aşiq, nədən imtəhan edirsən?
Bu qaranlıq ömrü hərdən tutulanda dan edirsən.
Mənə sən cəfa verərkən, bu həyata bağlayıbsan,
Külək əssə, xanədanım dağılar, güman edirsən.
Yol açılsa dar qəfəsdən, ürəyim sıxılmaz, ancaq,
Bu cəvan yaşımda qəddim əyilib, kəman edirsən.
O qədər odun- közün var, əriyir könül qəmindən,
Alıb eşqin atəşindən yenə qəlbi qan edirsən.
Bu nəva haçandı bitmir, elə hey sızıldayır can,
Töküləndə seyli- çeşmim, onu İsfəhan edirsən.
Açılanda gül cəmalım, tutulur gözündə pərdən,
Yolun açmamışdan artıq, yenə çən- duman edirsən.
Yenə yelləyir bir ümman, bu qızın qayıq həyatın,
Çəkinəndə dalğalardan, ürəyin liman edirsən.
İşıq istəmir ki, səndən, özü nurlu bir mələkdir,
Çoxunun çırağı sönmür, elə kəhkəşan edirsən.
Çətin eyləsən də ömrün, yaşayır şükür ki, Lilpar,
Qəzəl aləmində hər dəm nə yazır, rəvan edirsən.
Son xəbərlər
Ən çox oxunanlar
- Bu gün
- Bu həftə
- Bu ay
