Ağdam Olimpiya İdman Kompleksində rayon icra hakimiyyətinin dəstəyi, Azərbaycan Sambo Federasiyasının və Qarabağ Regional Gənclər və İdman İdarəsinin birgə təşkilatçılığı ilə Birinci Qarabağ müharibəsi şəhidləri Əhliman Ağayev və Sənan Rüstəmovun xatirəsinə həsr olunmuş sambo idman növü üzrə açıq respublika turniri keçirilib.

AZƏRTAC-ın bölgə müxbiri xəbər verir ki, turnirdə 16 komandada 112 nəfər idmançı mübarizə aparıb.

Turnir Azərbaycanın Dövlət Himninin səsləndirilməsi ilə açıq elan olunub. Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib.

Çıxış edənlər ölkəmizdə idmana göstərilən dövlət qayğısından, idmançılara yaradılmış şəraitdən danışaraq yarış iştirakçılarına uğurlar arzulayıblar.

Gərgin idman mübarizəsi şəraitində keçən yarışın sonunda qaliblər mükafatlandırılıb.

Müxbir – Tahir Ağaməmmədov