Ötən gün ürəktutmadan vəfat edən 35 yaşlı türkiyəli aktrisa Ece İrtemin ölümü ilə bağlı bəzi detallar məlum olub.

“Qafqazinfo” Türkiyə KİV-ə istinadən xəbər verir ki, aktrisanın anası onunla bağlı açıqlama verib.

O, qızının həyatını itirdiyi ad günü gecəsini belə təsvir edib:

“Saat 17:51-də evimizlə eyni küçədə yerləşən məkanda ad günü keçirdik. Birlikdə tort kəsib əyləndik. Axşam saat 20:36-da evə qayıtdıq. Qızımı antidepressant dərmanını içdikdən sonra sərxoş olduğu üçün yatızdırdım. Gecə tualetə getmək üçün qalxdığını, sonra da yatdığını eşitdim”.

“Onu səhər yeməyinə çağırdım, cavab vermədi. Otağına girəndə ağzından pis qoxulu mayenin gəldiyini gördüm. O, çoxlu spirtli içki içirdi, həmçinin güclü antidepresant dərmanlar da qəbul edirdi”, - deyə anası əlavə edib.