Hamlet Tofiqoğlu.

Birinci Qarabağ müharibəsi zamanı itkin düşmüş şəhidimizin nəşinin qalıqları tapıldı və aidiyyatı dövlət qurumları tərəfindən araşdırma tədbirləri nəticəsində məlum oldu ki, nəşin qalıqları 1 oktyabr 1973-cü ildə Bərdə rayonunun Yeni Daşkəndində doğulmuş vətəndaş Piriyev Rəşadət Əli oğluna məxsusdur.

Müharibə başlayanda Rəşadət də Azəri xalqının mərd, igid, cəsur oğullarından biri kimi vətənin darda, çətinlikdə olduğunu görüb Vətən sağ olsun deyib, qızğın döyüşlərə qatılıb vətənin müdafiəsinə qalxır. Mənfur, bədnam qonşularımız tərəfindən işğal olunmuş torpaqlarımız düşmən tapdağı altında olduğunu biləndə vətənpərvərlik ruhu onu sakit buraxmır. O, yaranmış bu vəziyyətə heç cürə biganə qala bilmir.Yəqin ki, bir anlıq hərbi əsgər andını xatırlayır və deyir:

And içmişəm üç rəngli Bayrağıma,
And içmişəm dövlətimə, vətənimə, torpağıma.
Gənc yaşımda and içirəm son damla qanıma,
And içirəm vücuduma canıma!

Bilin və agah olun canımız-qanımız bahasına olsa da mütləq düşmən əsarəti altında olan torpaqları işğaldan azad etməliyik...
Döyüşlər davam edir
Kəlbəcər, Laçın, Ağdam, Ağdərə uğrunda gedən ağır və şiddətli döyüşlərdə Rəşadət daha da yaxından fəal iştirak edir. Döyüşən ordu üçün hərbidə vacib sahələrdən biri də rabitə sahəsidir. Aparılan əməliyyatlarda düşmən texnikasını zərərsizləşdirmək və məhv etmək vaxtı gələndə bu işdə qazandığı bilik və təcrübəsi hər an köməyinə çatır. Belə ki, komandiri diqqətlə dinləyir. Verilən əmr və tapşırıqları ləyaqətlə yerinə yetirir.

Xalqımızın əzizi – Rəşadətli – Rəşadət
Haqq incələr, amma qırılmaz
Ulu tanrı bu müsibəti heç yerdə qoymaz
Bu tarixdə 22.05.2026-cı il
Məzarının ünvanı tapıldı qardaş
Bu günədək Ata ruhu, Ana ruhu
Bir də mələklər
Olmuşdular sənə ən əziz yoldaş.

Bu gün sənin rəhmətlik valideynlərinin ruhu şaddır. Əhsən sənə ey Əziz Ata, Əziz Ana – Dövlətinə, Vətəninə xalqına sədaqətli şərəfli, məsuliyyətli oğullar bəxş etmisiz!

İgidimiz Rəşadət qoy ölüm sevinməsin
Gedən sənin cismindir, Ruhun həmişə bizimlədir.
Şəhidlər heç vaxt ölmürlər.Keçdiyin bu yol Mərdlik, qəhrəmanlıq, vətənpərvərlik, gələcək nəsillərə ibrət olan çətin və şərəfli bir yoldur. Allah sənə rəhmət eləsin, ruhun şad olsun. Əvvəlki illərdən fərqli olaraq, artıq indi yerin və məzarın məlumdur.
Məzarın: - Doğulduğun doğma kəndin
Yerin – bir başa cənnət
Rahat yatın şəhidlər: Həmişə qəlblərdə, könüllərdə yaşayacaqsınız!