“Kür-Araz” qəzeti redaksiyasında oxucularla görüş keçirildi

Xəbərlər

24.05.2026, 02:06

“Kür-Araz” qəzeti redaksiyasında oxucularla görüş keçirildi - FOTO

[

Sabirabad rayonunun ictimai-siyasi nəşri olan “Kür-Araz” qəzeti redaksiyasında oxucularla görüş keçirilmişdir.

Turaztv.az xəbər verir: Oxucularla görüşdə Vətən uğrunda canlarından keçmiş şəhidlərin və dünyasını dəyişmiş redaksiya əməkdaşlarının əziz xatirəsi bir dəqiqəlik sükutla yad edilmişdir.
“Kür-Araz” qəzetinin təsisçisi və məsul redaktoru Elçin Nəsib çıxış edərək bildirmişdir ki, Sabirabad rayonunda 8 avqust 1930-cu ildə nəşrə başlayan və 95 ildən artıq fəaliyyət göstərən “Muğanın səsi” qəzeti, 150 illik Azərbaycan mətbuatının inkişafında mühüm rol oynamışdır. Tarixi zərurət nəticəsində təsisçilərin qərarı ilə öz fəaliyyətini dayandıran “Muğanın səsi”nin missiyasını yeni hüquqi statusda “Kür-Araz” qəzeti davam etdirir.
Öz mənbəyini Türkiyə ərazisindən götürərək Sabirabadda qovuşan məmləkətimizin iki böyük çayının adını daşıyan qəzet MEDİA Reyestrində qeydiyyata alınaraq 2026-cı il yanvar ayının 28-dən fəaliyyətə başlamışdır.
Məsul redaktor oxucuları qəzetin fəaliyyəti, məzmunu və gələcək planları ilə tanış etmişdir.
Görüşdə oxuculardan Şükufə Əsgərova, Afiq Ağayev, Hacı Mirəziz Talıbov, Namizəd Əliyev, Fikrət Məmmədli, Xanoğlan Əsgərov, Zülfü Rzayev, Şamama Əbilova və başqaları çıxış edərək qəzetin fəaliyyətinə uğurlar arzulamış, öz təkliflərini bildirmişlər.