ƏZİZƏ AĞAHÜSEYNQIZI : BİZİM EVDƏ TURQUT OZAL BÖYÜYÜR

Xəbərlər

19.04.2026, 00:10

ƏZİZƏ AĞAHÜSEYNQIZI : BİZİM EVDƏ TURQUT OZAL BÖYÜYÜR - FOTOLAR

Bu gün sənin doğum günün..
32 -ci baharını tamamlayırsan..
Balalarımın uşaq vaxtı dəcəli, böyüyəndə sakit, mulayim, duyğusalı..
Hər şeyə qane olan sadə və mehriban balam..
Səni təbrik edirəm..Necə belə gözəl yaz ətirli günlərə, illərə çatasan..ana alxışı keçərli olur deyirlər, həyatından, ömründən yarıyasan Turqutum, təbrik edirəm yeni yaşını...
18.04.2026

BİZİM EVDƏ TURQUT OZAL BÖYÜYÜR

Qardaş Türkiyənin 8 - ci prezidenti, iqtisadçı, siyasi xadim Turqut Ozal dünyasını dəyişən gün oğlum dünyaya gəldi..Atası adını Turqut qoydu..
18.04.1994

Övlad verdi qıymadı ki, qəm dərəm,
Başım üstdən xoşbəxtliyi əndərib,
Tanrım mənə oğul payı göndərib,
Bizim evdə Turqut Özal böyüyür...

Bu gəlişə qohum, yad da sevindi,
Gül balanın bəxti yaman yeyindi,
Əmiləri, dayıları öyündü,
Bizim evdə Turqut Özal böyüyür.

Əzizləyər, kimsə dəyməz xətrinə,
Ev - eşiyim bələnibdi ətrinə,
Pay düzürlər bəzəyinə çətrinə,
Bizim evdə Turqut Özal böyüyür..

Türk elinin əyilməsin qoy başı,
Ad yaşadır qızlarımın qardaşı.
Türk elində, türk oğlunun yurddaşı,
Bitdi həsrət, gəldi vüsal böyüyür,
Bizim evdə Turqut Özal böyüyür.