Ata-Ana üçün ən əziz gün onların övladlarının dünyaya gəldiyi tarixdir!

Xəbərlər

20.06.2025, 01:33

Ata-Ana üçün ən əziz gün onların övladlarının dünyaya gəldiyi tarixdir! - FOTO

TƏRİK EDİRƏM, BÖYÜK OĞLUM-KOMUTANIM!

Əzizimiz SƏNAN!

Sənin dünyaya göz açdığın bu tarix ailəmiz, ümumi götürdükdə ata-ana tərəflərinin sevincinə səbəb olub, hələ Kəlbəcərdə olarkən!
Sən Kəlbəcərdə məhz bu tarixdə dünyaya göz açdın! Xoşbəxtəm ki, ailəmizin ilki olan Sən Vətənə əsl vətəndaş olmaq yolunu seçdin! Axı, Vətən sərhəddən başlayır, zabit oğlum!
İllərini hərb sənətinə, Vətənin keşiyində durmağa sərf edən böyük balam, şükürlər olsun Yaradana ki, hər ikinizin (qardaşın Kənanla sənin) adınız el-obada, cəmiyyətdə qürurla çəkilir!
Bu sevinci bizə bəxş etdiyiniz üçün hər ikinizə minnətdaram!
Fəxrimizsiniz! Hər kəsə sizin kimi övladlar arzulayıram!

Sənan!Builki Ad günün həm də ailəmiz üçün ikiqat bayrama çevrilib! - Sən Vətənin keşiyindəsən, iki yaşlı (David balam demiş, ADİŞ) balanın üzünü gec-gec görürsən!
Ailəmizə belə şirin pay olan balanın, ömür-gün dostun - bizim isə ikinci GÜNAYımız, qardaşın Kənanın ailəsi, balaları - birinci Günayımız, eləcə də, səni sevən qohumlar adından
Səni TƏBRİK EDİRƏM!
Tanrı sənə və bütün Vətən keşiyində dayananlara yar və yardımçı olsun, amin!
Qıldığın namazlar, oxuduğun dualar hamınızı qorusun, amin!
Bu şeir parçasını da ata-anandan hədiyyə kimi qəbul elə!

SƏNANLA KƏNAN

Tanrım mənə bir cüt bala veribdi,-
Ruhumda Sənandı, canımda Kənan...
Könlümdə boy atıb pərvazlanıbdı,
Damarda Sənandı, qanımda Kənan.

Biri yazan əlim, həm biləyimdi,
Oğul nədi, həmdərdim - gərəyimdi.
Arxa-köməyimdi, həm kürəyimdi,
Arxamda Sənandı, yanımda Kənan.

Biri mənə atam, biri qardaşım,
Fikir-xəyalımdı, ağaran başım.
Biri yurd-yuvamdı, biri yurddaşım,
Sabahda Sənandı - danımda Kənan.

Səmimiyyətlə:
NƏRİMANOĞLULAR ailəsi
Bakı, 20 iyun 2025-ci il!