Turaztv.az təqdim edir.


Məclisi giriş sözuylə "Qosma"nın rəhbəri, şair Qəzənfər Məsimoglu "Qoşma" şeiriylə açdı.
Dövlət himni səsləndi, şəhidlərimizin xatirəsi bir dəqiqəlik sükutla yad olundu. Sonra O, Hüseyn Sözlü yaradıcılığı haqqında dinləyicilərə müfəssəl məlumat verdi
Məclisimizə saz, söz aşiqləri,sazəndələr təşrif buyurmuşdu. Aşıq Fikrət Cəfərov, aşıq Samir Borçalı və Rövşən Yaqublu məclis boyu şairin sözlərindən və klassiklərdən nümunələr oxudular.
Məclisin gedişində aparıcılar Qəzənfər Məsimoğlu və Əzizə Ağahüseynqızı şairin əsərləri və mahnıları haqqında söhbət açdılar.
Sonra söz Hüseyn Sözlünün işığını tutub gələn qələm dostlarımıza verildi. Məclisimizə Respublikanın xalq artisti, məxmər səsli Eldost Bayram, müəllim - şair Raqif Nazimoglu, Alican İsgəndərli, Vahid Çəmənli, Adil Cəfakeş, Sədi Yaradanqulu, İldırım Əlişoğlu, Arzu Tahirqızı, Şəfiqə Məmmədova, Xəlil Mirzə, Cəmil Zəbulla Dadaşov, Lilpar Cəmsidqızı, Hüsniyyə İsmayillı, Zülfiyyə İsmayılova, Zərifə Sufi Mikayılova, Alim Aslanoğlu, Rövşən Xaləddinoglu, Zahid Savalanoğlu, Yunis Qaraxanlı, Minarə Bayramova, Fərhad Kəngərli, Xaqani Abbasəli Öztürk, Ələsgər Talıboğlu, Fariz Yusubov, Həmzə Həqqani şairin şeirlərindən nümunələr oxudular, sözlərinə muğam ifa olundu.
Məclisin irəliləyən dəqiqələrində səbəbkarı söz verildi..Hüseyn Sozlü şeirlərindən nümunələr oxudu, görüşün təşkili üçün təşəkkürünü bildirdi.
Sonda xatirə şəkilləri çəkildi.
"Qoşma"nın məqsədi ədəbiyyatimızın təbliği, yeni nəfəs, yeni söz yaradan yazarlarımızı, şairlərimizi geniş auditoriyaya təqdim etməkdir. Bu yolda bizə mənəvi dəstək olanlara təşəkkür edirik.
"Qoşma" ədəbi məclisinin bir sayı da şair, bəstəkar Hüseyn Sözlü dünyasına həsr olunaraq xatirəyə çevrildi. Nəğmədolu bir meclisinizi də beləcə sona çatdırdıq, inşaallah növbəti məclislərdə görüşmək ümidi ilə.
sağ olun, salamat qalın..
Səmimiyyətlə
ƏZİZƏ AĞAHÜSEYNQIZI
QOSMA ƏDƏBİ MƏCLİSİNİN POEZİYA SOBƏSİNİN RƏHBƏRİ
26.04.2026


Turaztv.az