Əzizə Ağahüseynqızı,
"Qoşma"Ədəbi Məclisinin poeziya şöbəsinin rəhbəri


28.09.2025 ci il..bu gün nə vaxtsa xatirəyə çevriləcək bir gün yaşadıq dəyərli qələm dostlarımızla..mövzumuz payızla bağlı idi..fəslin payız olmasına baxmayaraq hər bir qələm əhlinin səsindən bir bahar ətri duyulurdu..Zəfərdən yeni çıxmıs azad vətənimizin Ukrayna dairəsi, Heydər parkı adlanan ərazisində Çənlibeldə növbəti saz söz meclisimiz öz ömrünün bir gözəl gününə də imza atdı..
Ağacların sarı donunu geyindiyi bir zamanda, yay günəşinin odunun azalıb, yerini bir az küləkli, bir az soyuq payız günlərinə üz tutduğu bir vaxtda görüsdük dostlarla..bu dəfəki qonaqlarımızla sizləri də tanıs etmək istəyirəm..Ağsu Yazarları Ədəbi Birliyinin və İti Qələm Respublika Ədəbi Birliyinin rəhbəri, 67 kitab müəllifi, şair - alim Raqif Nazimoğlu, tanınmış yazıçı Fazil Sənan, müəllim - şair Zöhrə Qaraqızı, müəllim - qiraətçi Mehman Mayılxanlı, gözəl şair Arzu Tahirqızı, müəllim- şair İldırım Əlişoglu, Sarı Aşiq ədəbi məclisinin rəhbəri, şair Adil Cəfakeş, Sazlı Sözlu Borçalı ədəbi məclisinin rəhbəri, şair Sədi Yaradanqulu, iş adamı Zûlfiyyə İsmayılova, şairə - müəllimə Qumru Kamranqızı, şairə Şəhla Qarabağlı, müəllim Şəfiqə Məmmədova, şair, gözəl insan Rövşən Xaləddinoğlu, şair Qulu İsmayılov, sözûmüzûn dostu, şair Həmzə Həqqani İştirak etdilər.
İlk öncə Qoşma ədəbi məclisinin sədri dəyərli şair Qəzənfər Məsimoğlu məclisi Qoşma adlı şeriylə açıq elan etdi..Şəhidlərimizin ruhu bir dəqiqəlik sükutla yad olundu..Dövlət himnimiz səsləndi..
Zəfərimizin qazanılmasının 5 (beş) illiyinə təsadüf edən bu görüşumüzdə söylənilən şeirlərin çoxu payız ətrinə bəzənmiş, kövrək, həzin şeirlər idi..Beş il öncə başlanan müharibənin anım günü ərəfəsində biz də ovqatımızı həmin ruha köklədik..şəhid ruhları hər zaman ucadadı, Allah onların ruhunu şad, məkanlarını cənnət etsin..
Mövzumuz payızdan olsa da Raqif Nazimoğlunun, Qəzənfər Məsimoğlunun sevgi şeirləri sarı xəzəlli Çamlıbel parını yaza döndərdi. Bir - birindən məzmunlu, maraqlı şeirlər məclisin ab havasını dəyişdi..Beləliklə payız ruhlu bir görüşümüz də arxada qaldı..
Gələn görüşlərədək deyirəm..sazımız, sözümüz var olsun..rununuz yorulmasın dostlar..səmimiyyətlə;