Xəbərlər
19.05.2023, 22:30
Müzəffər Məzahim,şair-publisist:Neftçala rayon maarif və ədəbi mühitinə ağır itki üz vermişdir
Neftçala rayon maarif və ədəbi mühitinə ağır itki üz vermişdir
Uzun müddət rayonun müxtəlif məktəblərində müəllim, direktor, dərs hissə müdiri işləmiş, şair-yazıçı Teyyub Cahangir oğlu İmanov vəfat etmişdir. O, 1949-cu ildə Neftçala rayonunun Hacıimanlı kəndində anadan olub. İbtidai təhsilini Sarıqamış kənd məktəbində, orta təhsilini isə şəhər 1 nömrəli məktəbində almış, 1980-ci ildə N. Tusi adına Azərbaycan Pedoqoji Universitetinin Azərbaycan dili və Ədəbiyyatı fakultəsini bitirmişdir. "Obalar köç edir" ilk şeiri Neftçala rayonunda çıxan "Oktyabr bayrağı" (indiki "Gündoğar") qəzetində çap olunub. O, şeirlə bərabər bir-birindən maraqlı hekayə və povestlər yazmış və respublikanın müxtəlif dövrü mətbuatında və ədəbi orqanlarında dərc etdirmişdir. Neftçala rayonunda fəaliyyət göstərən "Xəzər nəğmələri" ədəbi birliyinin fəal üzvlərindən idi. "Axirət dünyası" (2000-ci il), "Ovçu Əlisəfanın macəraları" (2003-cü il) "Bələdçi" (2014-cü il) şeir və nəsr kitabları çapdan çıxıb. Onun təhsildə və ədəbi mühitdəki xidmətləri onu sevənlərin qəlbində daim ehtiramla yad ediləcək.
Mərhumun ailəsinə öz adımdan və ailəmiz adından dərin hüznlə başsağlığı verir, Allahdan səbrlər diləyirəm.
Allah rəhmət eləsin.
Son xəbərlər
Ən çox oxunanlar
- Bu gün
- Bu həftə
- Bu ay
