Xəbərlər
29.04.2026, 23:08
CƏMİL ZƏBHULLAOĞLU : SABİRANƏ - FOTO
Getdi abır, getdi həya, getdi ar,
Qalmadı heç kimsədə bir ixtiyar.
Günbəgün artır, çoxalır modalar,
Lüt dolanır, guya ki, azaddı bu.
Bu nə modadı, nə cürə zatdı bu.
Səs salıb hər yerdə bir ad eylədik,
Elm oxuduq kəsbi savab eylədik.
Tapmadıq iş özmüzə,dad eylədik,
Axırda bizi bazara atdı bu.
Gör necə taledi necə baxtdı,bu.
Yoxdu canım,təşvişə heç bir əsas,
Xalq dözəcək səbrini sən bas bir az.
Ölmədi düşmən ki,alarsan qisas,
Onda deməzsən bizi aldatdı bu,
Qeyrilərin kölgəsində yatdı bu.
Seçki gəlir,hamı edir təbliğat,
Bəhsə girir gör nə qədər təşkilat.
Sən də ayıl bir, a bala səs çıxart,
Söyləməsinlər ki, həşəratdı bu,
Düzlüyə səs ver, demə "brat"dı bu,
Cəmil desin əcəb demokratdı bu.
Son xəbərlər
Ən çox oxunanlar
- Bu gün
- Bu həftə
- Bu ay
