Xəbərlər
11.10.2026, 01:48
Əli Vahid Çaylı : EŞİTSİN ŞİRVANLILAR - FOTO
Nazbikə xanım
Salam dostlar.
Hicab ana və bacılarımızın abır həyasıdı.
HİCAB
Hicab abır həyamızdı,
Dəyər kökümüzdən gəlir.
Xoş günümüz, həyatmızdı,
Ağlımız dərkmizdən gəlir.
Çox getməyin çox dərinə,
Toxunmayın qız gəlinə.
Nə oğluna nə ərinə,
Ağlımız hökmmüzdən gəlir.
Müsəlmanıq sünni, şiyə-
"Vahab" mat qalar, bu işə.
Kim qaynaya, kimsə bişə?
Ağlımız diləkdən gəlir.
Müqəddəs kitabmız "Quran",
Peyğəmbərmiz hökmlə vuran.
Yazıq millət sakit duran,
Ağlımız küləkdən gəlir.
Bağçada bar olasınız,
Sevincə yar olasınız.
Əli Vahid, var olasınız,
Ağlımız ürəkdən gəlir.
Ağlımız ürəkdən gəlir.
10.10.26
YAZILAN ÖMRÜMÜ YAŞAYIRAM
Tutmuşam üzümü dağlara sarı,
Başıma yağıbdı qocalığ qarı.
Artıq istəmirəm dövləti, varı,
Qocalığ ömrümü yaşayıram mən.
Uşaqlığım keçib aranda, dağda,
Cavanlığım güllü bağçada, bağda.
İndi yetişmiş meyvəyəm budağda,
Qocalığ ömrümü yaşayıram mən.
Xeyli vaxtdı yaşım keçib yetmişi,
Sevmirəm qızılı, nə də gümüşü.
Unuda bilmirəm ötən keçmişi,
Qocalığ ömrümü yaşayıram mən.
Əli Vahid, şükür eylə bu çağa,
İndi nə nökər lazımdı, nə ağa.
Hərdən dönüb baxıram sola, sağa,
Yazılan ömrümü yaşayıram mən.
Qocalığ yükümü daşıyıram mən.
09.06.26
BU DÜNYA
İnsan elə bilir əqli kəsəndə,
Hardasa bizlərə paydı bu dünya.
Göydəki günəşdi, aydı, ulduzdu,
Yerdəki ümmandı çaydı bu dünya.
Kiminin bağında bəhərdi, bardı,
Kiminə genişdi, kiminə dardı,
Kiminə əbədi şaxtadı, qardı,
Kiminə bahardı, yaydı bu dünya.
Min cür karvan gəldi, min cür var gəldi.
Bülbülü qovuldu bağa sar gəldi.
Neçə cəllad gəldi, hökümdar gəldi,
Ancaq saydığını saydı bu dünya.
Kimi ömrü boyu yasa bələndi,
Kiminin başına güllər ələndi,
Kim zindanda öldü, kim güllələndi--
Kiminə şadlığdı, toydu bu dünya.
Odur ki, yerində ağlayın, gülün-
Zəhər var altında hər yağlı dilin.
Çaylıyam, deyirəm bir yolluq bilin,
Çürük qarpız kimi, zaydı bu dünya.
07.10.26.
EŞİTSİN ŞİRVANLILAR
Şamaxlıyam, şamım var,
Şöhrətim var, şanım var.
Yurda bağlı canım var,
Eşitsin Şirvanlılar.
Yanan odla yarıyam,
Zirvələrin qarıyam.
Yönü yurda sarıyam,
Eşitsin Şirvanlılar.
Məkkəm, Mədinəm sənsən,
Ulu Məbədim sənsən.
Deyirəmki, biləsən,
Eşitsin Şirvanlılar.
Öyrət bizə sevməyi,
Şirin-şirin gülməyi.
Əsirgəmə köməyi,
Eşitsin Şirvanlılar.
Şirvan haqqın ocağı,
Çıraqqala çirağı.
Müqəddəsdi torpağı,
Eşitsin Şirvanlılar.
Dərdin dərd çarasıyam,
Yurdun bir parçasıyam.
Ol Çaylı balasıyam,
Eşitsin Şirvanlılar.
Eşitsin Şirvanlılar.
Son xəbərlər
Ən çox oxunanlar
- Bu gün
- Bu həftə
- Bu ay
