Çox zaman, "Ağsu Yazarları" Ədəbi Birliyinin qrup paylaşmalarında, yaradıcılıq nümunələri ətrafında keçrilən fikir mübadiləsində, tez-tez belə bir söz eşidilir. "Yeni söz, yeni fikir yoxdu" və yaxudda "Ümumi söz yığnağıdır" kimi ifadələr həmişə məni düşündürüb. Fikiri başa düşmək olar. Bəs bu yeni söz nədir...?
Çox zaman da, birliyin sədri Raqif Nazimoğlu və digər yaradıcı dostlar arasında bu müzakirələrdə gətirdikləri sitatlar, verdiyi izahlı açıqlamaları sonda düşüncəmə rahatlıq gətirib. Dəyərli dostların fikirləri, dolğun və çox düzgün, məntiqli izahları, fikirlərimə yaxın cavablar olduğundan ruhən qəlbimdə rahatlıq tapmışam.

Bu kimi fikirlər təkcə bizdə, "Ağsu Yazarları" Ədəbi Birliyində deyil, çox zaman elə burada, fb-də, yaradıcı dostlarım arasında gedən müzakirələrdə də eşidilməkdədir. Yəni, söylənilən fikirlərin ümumiləşdirilmiş məntiqi, gözəl filosofumuz Əbu Turxanın dediyi kimi, - "Ən mahir müəllif də yetkin olmayan dildə yetkin əsər yaza bilməz" .
Doğurdan da, zəngin dilə malik Azərbaycan Ədəbiyyatında müxtəlif çalarlarda sözün rəngi öz gözəlliyin qoruyub saxlayıb.
Bu fikirləri söyləməkdə bir məqsədim var. Yəni, dilimizdə istifadə olunan bütün sözlərdən demək olar ki, yetərincə istifadə olunub və yaradıcı insanlarımız mükəmməl yaradıcılıq ortaya qoyublar. Burada sadəcə fikiri gözəl ifadə etmək lazımdır. Necə deyərlər, XVIII əsr Fransa maarifçilərinin görkəmli nümayəndəsi, şair, publisist, tarixçi, insan hüquqları müdafiəçisi. Əsl adı Fransua-Mari Aruedir olan, Volter dediyi kimi, - "gözəl fikir də pis ifadə edildikdə qiymətini itirir". Bu doğruluğu Böyük mütəfəkkirimiz Məhəmməd Füzuli isə belə təsdiq edib, -

Bəli, Camaleddin Rumi dediyi kimi, -"İdrak edə bilən üçün bu yerlərin, göylərin hamsı sözdür"...
Bu gün səhər gözəl şairimiz Məlahət Behbud Qızının (Qəmli yazar), -"YAZARA DÖNDÜM" şeiri, fikrimi yuxarıdakı düşüncəmi məşğul etməyə başladı. Şairin bu şeirində, çox sadə sözlərlə cilalanmış fikirləri, ruhumda başqa bir yeniliyin yaratdığını gördüm.

Hamımız yaxşı bilirik ki, məlum yeddi rəng var. Amma, bu rənglərin yaratdığı, ruhumuzu oxşayan, bizi tilsiminə salan lövhələr, rənglərin heç də yeddi olduğuna dəlalət etmir. Bizdə elə təsəvvür yaradır ki, o yeddi rənglərlə istənilən ecazkar rənglər yaratmaq olar. Düşüncəmə görə sözdə elədi...
Aristotel deyir ki, - "Sözün ən gözəli, söyləyənin doğru olaraq söylədiyi, dinləyənin də yararlandığı sözdür."
Şair Məlahət Behbud Qızının istinad etdiyim "YAZARA DÖNDÜM" şeirinin adama yaşatdıqları bunları deməyə məni məcbur qoydu.
Şair, o qədər sadə, ruha məlhəm olacaq sözlərlə öz iç dünyasının yaşantılarını dilə gətirir ki, insan kimi o gözəlliyin təsirinə düşüb gedirsən.

Bir sevgi nisgili, saf məhəbbət yaşantısı. Onun insana yaşatdığı sevincin qəmli notları...

Fransız yazıçısı və əxlaqşünası Vovenarq deyir ki, - "Ürək hisslərlə dolu olanda söhbətdə maraqlı olur". Doğurdan da, sevginin insan qəlbinə doldurduğu hislər insanı nələrə vadar etmir...?

Şair, yaşanan sevginin verdiyi ümüdlərin birdən-birə heç olmasını, sözdən tikilən sarayının, sanki pəncərəsindən də işıq əvəzinə kədər, qəm, qüssə süzüldüyün çox gözəl, sadə sözlərlə oxucusuna çatdırır.

Bəli, doğurdan da, ürək dolu olanda, söhbət də, söz də maraqlı olur. Aristotel dediyi kimi, - "Üslubun üstünlüyü fikirin aydın olmasındadır".
Şair, haqq olaraq həyatın iztirablı sınağından çıxaraq deyir;

İztirablı sevgnin yaşantısından - "... qəmli yazara döndüm" - deyən şairin, səliqəli, sadə və səmimi söz düzlüşüylə yaratdığı bütün şeirləri insan ruhunun qidasına çevrilir.
İngilis yazıçısı Robert Burton deyir ki, - "Sevgi, dünyanın ən şirin xoşbəxtliyi ilə, ən dərin ağrısından yaradılmışdır.
Şair Məlahət Behbud Qızının eşq və sevgi haqqında yazdığı, bir-birindən rəngarəng yaradıcılıq nümunələri oxucunu özünə çəkir. Onun, eşqdən doğan digər bir, -" QALIBDIR"- şeirində bütün bunları görmək mümkündür. Məsələn,

Hansısa dahi deyib ki, eşq qadında bir roman, kişidə bir hissdir. Doğurdan da qadın eşqi çox əzablı olur.

İnsan, eşq yaşantısında çəkdiyi iztirablardan yaranan dərdi, düşüncəsində çox acı çəkdiyin büruzə verir, onu ümüdləndirir. Necə ki, şair deyir,

Bu ümüdün közərən işartısında, qığılcım axtarılan şairimiz, hələ də ümidin üzmür və deyir,

Eşqin acı gərəyini orjinalıqla ifadə edən şair sonra deyir.

Şair Məlahət xanımın vətənə sevgisi, təbiət gözəlliyinə vurğunluqu, insan qayğıları, cəmiyyətə baxışı və digər mövzularda qələmə aldığı hər bir şeirində oxucuya duyğulu hissi yaşamağı bacarır. Onun, - "SÖZÜM SİZƏDİR" - ünvanlı yazdığı şeirdə, həqiqətən də bir nəsihətnamə var.



-deyən şairin Dərələyəz mahalının yetişən gənclərinə, Dədə Qorquddan üzübəri görüb-götürdüyü və öyrəndiyi dəyərləri şair öz məlhəm dilində oxucusuna tövsiyə edir.
Şairin "YOLLAR İTİRDİ BİZİ", "BU HƏYATDI" şeirləri də çox mənalı və düşündürücüdür.
Məlahət xanımın, - Dağlar, sənin boyda dağım var mənim", deyən şairin, - "DAĞIM VAR MƏNİM"- şeirinin süjet xətti bir yurd həsrətinin nisgili üzərində qurulmuşdu.

Gözəl şairəmizin son vaxtlar izlədiyim yaradıcılığında hiss etdiyim səmimiyyətin poetik çalarlarda məna yükünün dəyərin görürəm. İnanıram ki, böyük oxucu sevgisini qazanan şairimiz, duyğusundan süzülüb gələn poetik fikirləri ilə hələ bundan sonra çox oxucunun ruhunu oxşayacaq, ruhuna sakitlik gətirəcək...
Bu inamla da gözəl şairimizə uğurlu yaradıcılıq diləyirəm.
Böyük səmimiyyətlə,

Elxas Comərd,
AYB-nin, "İti Qələm" Respublika Ədəbi Birliyinin və
"Ağsu Yazarları" Ədəbi Birliyinin üzvü.