“Qızıl top”un təltifetmə mərasimində 2023-cü ilin ən yaxşı gənc futbolçusu açıqlanıb.

Turaztv.az AZƏRTAC-a istinadən xəbər verir ki, İspaniya “Real Madrid”inin yarımmüdafiəçisi Cud Bellingem 21 yaşından kiçik oyunçulara verilən mükafatın qalibi olub.

Mükafatı ona belçikalı keçmiş futbolçu Eden Hazard təqdim edib.

Səsvermədə Camal Musiala (“Bavariya”, Almaniya) ikinci, Pedri (“Barselona”, İspaniya) isə üçüncü yerin sahibi olub.

Qeyd edək ki, 2022-ci ildə bu ada layiq görülən Qavi bu il beşinci sırada qərarlaşıb.