Səkkiz qat “Qızıl top” mükafatının sahibi Lionel Messi Argentina milli komandasındakı çıxışlarını başa vurmaq qərarını tamamilə doğru hesab etdiyini bildirib.

“Qafqazinfo” xəbər verir ki, əfsanəvi hücumçu bu barədə öz sosial şəbəkə hesablarında duyğusal paylaşım edib.

Messi vida mesajında bu sözləri qeyd edib:

“Dünən mənim son oyunum idi və mən artıq darıxıram. Bilirəm ki, doğru qərar verirəm. Bu, sevinclərlə, həm də bəzi kədərlərlə dolu inanılmaz bir yol idi, lakin dəqiq bilirəm ki, atılan hər bir addıma dəyərdi. Milli komandanın formasını geyinmək vaxtı çatanda hisslərimə həmişə hörmətlə yanaşdıqları və özümü ölkəmə həsr etməyə imkan verdikləri üçün oynadığım bütün klublara təşəkkür edirəm”.

Oktyabrın 7-nə keçən gecə Messi Argentina forması ilə son matçına çıxıb. Beninə qarşı keçirilən qarşılaşma 3:0 hesabı ilə başa çatıb. Matçda Nikolas Otamendi və Niko Pas fərqlənib, Messi isə 71-ci dəqiqədə penaltini dəqiq yerinə yetirərək 1 qol vurub və 2 məhsuldar ötürmə edib.

Xatırladaq ki, Messi Avqustun 31-də milli komandadakı karyerasını bitirdiyini elan etmişdi. O, “İnter Mayami”dən əvvəl PSJ və “Barselona”da çıxış edərək 4 dəfə Çempionlar Liqasını, 3 dəfə UEFA Superkubokunu və Klublararası Dünya Çempionatını qazanıb. Bir qədər əvvəl Kriştianu Ronaldo da Messinin vidalaşmasına dəstək mesajı ünvanlamışdı.