Dostlar, 5 oktyabr – Beynəlxalq Müəllimlər günüdür.Bütün müəllim adina layiq olan Muəllimləri təbrik edirəm! Şəxsən mənim nəzərimdə ÖZÜNÜ MÜƏLLİMLİYƏ HƏSR ETMİŞ İNSAN ƏN ŞƏRƏFLİ İNSANDIR.
Savadsız insan meyvəsiz ağaca bənzər. Və bu ağacı yetişdirən məhz müəllimdir. Bizə yüksək bilik, savad bəxş edən , bəşəriyyətin inkişafında duran müəllimlərimizdir.
Müdriklərdən biri müəllim haqqında belə deyib: Valideyinlərim məni yerdən göyə qaldırıb, müəllimim isə göydən yerə endirib.Təhsil bəşəriyyətin mənəvi tacıdırsa, müəllim bəşəriyyətin mənəvi tacının brilyant qaşıdır. Müəllim ilahi elçidir, müəllim ömrü yanan şamdır.Bu peşə sahibləri haqqında nə qədər gözəl sözlər, xatirələr danışsaq, yenə də azdır. Çünki Prezidenti də, həkimi də, aqronomu da, mühəndisi də, alimi də, millət vəkilini də yetişdirən, onlara elmin sirrlərini durmadan dərindən öyrədən, əllərindən tutub “ana, vətən” sözlərini yazdıran və vətənə layiqli övlad kimi tərbiyə edən müəllimdir.Böyük alim jurnalist Həsən Bəy Zərdabi bu şərəfli, müqəddəs və çətin peşə sahibləri haqqında belə deyib.”Əgər məndən soruşsaydılar ki, ən şərəfli sənət hansıdir, mən o zaman iftixarla deyərdim: müəllimlik”. Şairlər də bu şərəfli, müqəddəs peşə sahiblərinə hörmətlə yanaşıb, onlara çoxlu şeirlər həsr ediblər.

“Həyatda ən çox güvəndiyim şəxs müəllimdir. Çünki müəllimdir. Çünki onun silahı kitabdır və bu silahla istənilən düşməni çökdürmək mümkündür” (O. Kont).
“Müəllim aynadır, şagird ona baxıb özünü düzəldir və həmişə müəllimini öyrənir” (M. Monten)...
Müəllimin öz şagirdinə verdiyi qiymət onun öz vicdanına verdiyi qiymətdir.