İldırım, güclü yağış və dolu səbəbindən Moskva və Moskva vilayətində yenidən narıncı hava xəbərdarlığı verilib.

"Turaztv.az" "Unikal"-a istinadən xəbər verir ki, bu barədə Rusiya Hidrometeorologiya Mərkəzi məlumat yayıb.

Sinoptiklərin məlumatına görə, bəzi ərazilərdə güclü leysan, ildırım və dolu gözlənilir. Leysan zamanı küləyin sürəti 17 m/s-ə çata bilər. Xəbərdarlıq Moskvada 14 iyun Moskva vaxtı ilə saat 03:00-dək, Moskva vilayətində isə 14 iyun Moskva vaxtı ilə saat 06:00-dək qüvvədə qalacaq.

Ötən gün şiddətli yağıntılar nəticəsində şəhərin mərkəzində yerləşən Kutuzov prospekti su altında qalıb.

Bununla əlaqədar çoxsaylı avtomobillər yollarda hərəkətsiz vəziyyətdə qalıb, bəzi ticarət mərkəzlərini də su basıb.

Şəhərin müxtəlif ərazilərində nəqliyyatın hərəkətində ciddi çətinliklər yaranıb.