Kosta-Rika sahillərində alimlərin əvvəllər məlum olan heç bir mərcan ailəsinə aid edə bilmədiyi qeyri-adi canlı aşkar edilib.

Bu barədə “ScienceDaily” məlumat yayıb.

Parlaq sarı rəngli mərcan koloniyaları təxminən bir metr hündürlüyə çatır və görünüşünə görə qızılı ağacı xatırladır.

Genetik analizlər canlının ayrıca təkamül xəttinə aid olduğunu göstərib. Alimlər onun üçün yeni ailə yaradaraq “Laurinque elenya” adını veriblər. Adın mənası “ulduzların qızıl ağacı”dır.