ABŞ-nin Kaliforniya ştatında baş verən yanğınlar nəticəsində ümumi zərər 50 milyard dollara yaxın qiymətləndirilir. Onun 20 milyard dolları sığorta şirkətlərinə təsir edib.

"Turaztv.az" “Report” -a istinadən xəbər verir ki, bu barədə "Financial Times" qəzeti "JPMorgan"ın məlumatlarına istinadən məlumat yayıb.

ABŞ bankının öz müştərilərinə göndərdiyi məktubda sığortaçıların itkilərlə bağlı proqnozları iki dəfə artırılıb - bir gün əvvəl itkilər 10 milyard dollar həcmində qiymətləndirilib.

Mütəxəssislər qiymətləndirmənin bu qədər yuxarı olmasının səbəbini yanğının daha geniş ərazilərə yayılması ilə izah edirlər.

Kaliforniya Yanğınsöndürmə Xidmətinin məlumatına görə, Los-Anceles dairəsində yanğınların ümumi sahəsi təxminən 11 min hektara çatıb. Alov mindən çox tikilini məhv edib və ən azı 5 nəfərin ölümünə səbəb olub, 175 mindən çox istehlakçı işıqsız qalıb.