Oktyabrın 14-də Cəbrayıl rayonunun Şükürbəyli kəndində əmək yarmarkası təşkil olunacaq.

APA xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.

Bildirilib ki, agentlik və “Clean Home” MMC-nin birgə təşkilatçılığı ilə keçiriləcək yarmarka saat 10:30-da Şükürbəyli kənd inzibati binasında başlayacaq.

Yarmarkada şirkətin mövcud vakansiyaları təqdim ediləcək, uyğun namizədlərin qeydiyyatı aparılacaq. İştirakçılara Dövlət Məşğulluq Agentliyinin həyata keçirdiyi məşğulluq proqramları barədə də məlumat veriləcək.

Qeyd olunub ki, yarmarkada iştirak etmək istəyən şəxslər özləri ilə şəxsiyyət vəsiqələrini gətirməlidirlər.