Biz Xankəndiyə Zəfər yolundan əlavə, həm də Ağdam-Əsgəran yolu ilə də getmək istəyirik.

Xankəndidə, Xocalıda, Xocavənddə, Əsgəranda, Kərkicahanda və digər yerlərdə Azərbaycan Bayrağının dalğalanmasını istəyirik.

Bu sözləri AZƏRTAC-a açıqlamasında Azərbaycanın Milli Qəhrəmanı Füzuli Rüstəmovun bacısı Füqurə Rüstəmova söyləyib.

O, həmçinin deyib: "Qarabağda yaşamaq istəyənlər orada qala, əks təqdirdə, ərazilərimizdən çıxıb gedə bilərlər. Çünki Qarabağ bizimdir və biz o torpaqlarda yaşamalıyıq. İnanırıq ki, bütün məcburi köçkünlər öz yurdlarına geri dönəcəklər".