SÜBHAN KAMALOĞLU: ŞEİRLƏR - FOTO

Xəbərlər

20.07.2023, 01:25

SÜBHAN KAMALOĞLU: ŞEİRLƏR - FOTO

BU VƏTƏNƏ

Çalış, çox oxuyub, çox öyrənəsən,
Həyatda hər nə var biləsən gərək.
Tənbəl olub, zəhmət çəkməyən bir kəs,
Var-dövlət umarsa güləsən gərək.

Yaşamaq istəmə gülündən ayrı,
Bağından,bağçandan,çölündən ayrı.
Can atma gəzəsən elindən ayrı,
Nəyin var elinlə böləsən gərək.

Yaxşı o adamdır, tez haya çata,
Ağsaqqalıq edə, sülhə-sülh qata.
Pisliyin daşını biryolluq ata,
Belə yaşamasan öləsən gərək.

Sübhan, şöhrət gətir sən bu Vətənə,
Yarəb, qismət etmə çən bu Vətənə.
Oğul olmalıdı tən bu Vətənə,
Vətənin xoş günün görəsən gərək.

VAR OLSUN

Bir dilək dilərəm ulu Tanrıdan,
Yurdumun çiçəyi, gülü var olsun.
Əmin-amanlıqda sürsün dövranı
Günləri xoş keçsin,ili var olsun.

Vətən sevməyənin vicdanı yoxdur,
Nələr etməliyik...edəcək çoxdur.
Şükürlər Allaha, gözümüz toxdur,
Xalqımız var olsun,eli var olsun.

Qəlbləri hünərə aşiyan gərək,
Vətənin yükünü daşıyan gərək.
Ay Sübhan, eşqilə yaşayan gərək,
Dar gündə Cənabi-Əli var olsun.

VƏTƏNİMDƏ

İltimas eylərəm əziz dostuma,
Etsin sözlərimi car Vətənimdə.
Dağlar ağ donunu geyinir qışda,
Payızda bol olur bar Vətənimdə.

Mən də vurğunuyam bax bu diyarın,
Lıl parlı çayların,buz bulaqların.
Gözəl səfası var bizim dağların,
Kim çəkər kim, ahu-zar Vətənimdə?!

El-obam şad olsun, həmişə gülsün,
Sübhanam,yazıram,qoy aləm bilsin.
Dostlarım Qazağa görüşə gəlsin,
Dillənsin saz,kaman, tar Vətənimdə.
1994

HƏRBİDƏNİZÇİ

Dalğalar qoynunda, fırtınalarda,
Şəffaf boyanmısan, hərbi dənizçi.
Üçrəngli bayrağı, doğma Xəzəri,
Səcdəgah sanmısan,hərbi dənizçi.

Yenə yolun sonsuz,mavi dənizdir,
Gəmi sənə evindən də əzizdir.
Yenə dan sökülür, hava təmizdir,
Tezdən oyanmısan, hərbi dənizçi.

Dərya dərin, sular sərin, yelkən ağ,
Bilinməyir yol yaxındır, ya uzaq,
Başında qar, ürəyində od-ocaq,
Məğrur dayanmısan,hərbidənizçi.

Doğmadır hərada,hər boğaz,körfəz,
Dənizə yad olan sirrini bilməz.
Sübhan əbəs yerə deməz,söyləməz:
–Dənizdə dəryasan,hərbi dənizçi!