Azov dənizində sahil yaxınlığında qəzaya uğrayan Rusiya hərbi hava qüvvələrinə məxsus Su-25 təyyarəsinin pilotu ölüb.

AZƏRTAC xəbər verir ki, bu barədə Yeysk rayonunun rəhbəri Roman Bublik öz Teleqram kanalında məlumat verib .

Rayon rəhbəri qəza zamanı həlak olan Su-25 hücum təyyarəsinin yaxınlarına yerli sakinlər adından başsağlığı verib.

Bundan əvvəl Cənub Hərbi Dairəsinin mətbuat xidməti Krasnodar diyarında təlim uçuşu həyata keçirən Su-25 hücum təyyarəsinin Azov dənizi üzərində qəzaya uğradığını bildirmişdi. Hadisənin ilkin səbəbi mühərrikin nasazlığı olub.