Ukrayna Prezidenti Volodimir Zelenski Kiyevdə Yaponiyanın Baş naziri Fumio Kişida ilə görüşüb.

Turaztv.az AZƏRTAC-a istinadən xəbər verir ki, bu barədə Ukrayna Prezidenti sosial şəbəkə hesabında yazıb.

Ukraynanın çoxdankı dostu olan Yaponiyanın Baş naziri Fumio Kişidanı Kiyevdə salamlamaqdan məmnunluğunu bildirən Zelenskinin sözlərinə görə, Fumio Kişida onun ölkəsinə məhz BMT nizamnaməsinin məqsəd və prinsiplərinin, ümumilikdə beynəlxalq təhlükəsizliyin qorunması üçün qlobal liderliyin aktivləşdirilməsinin vacib olduğu vaxtda gəlib.

Yaponiyanın Baş naziri səfər çərçivəsində Buçada olub və burada törədilən müharibə cinayətlərinin fəsadlarını görüb.