Sevməyi sən öyrətmədinmi? - Şəhla XƏLİLQIZI

Xəbərlər

13.08.2022, 22:45

Sevməyi sən öyrətmədinmi? - Şəhla XƏLİLQIZI

Sevməyi sən öyrətmədinmi?

Üz-üzə gələndə gendən gəzənim,
Qəlbimi eşqinlə dinlətmədinmi?
Könlümü alaraq sevib- sevənim,
Mənə sevməyi sən öyrətmədinmi?

İzləyib hər zaman getdiyim yolu,
Arxamca gələrdin dinərək bollu,
Əlinə toxunan o, isti qolu,
Əlinlə tutaraq oxşatmadınmı?

Pərişan gözlərin yaş ilə dolan,
İntizar çəkərək həsrətdən solan,
Eşqinlə qəlbimi eyləyib talan,
Qəmli gözlərinlə oxşatmadınmı?

Baxışlar həsrətlə dolub bulud tək,
Fəryad edəndə çarəsiz ürək,
Bizə layla çalan o, arzu, dilək,
Gülüşlə kədəri gizlətmədinmi?

Kök atan ağac tək qəlb budağını,
Əlinlə dərdiyin eşq yarpağını,
Bükərək qoyduğun ilk varağını,
Xatirə dəftərdə gizlətmədinmi?

Dözərək möhnətə, dözərək qəmə,
Qısındım içimdə o, saf sevgimə,
Mənə əzab verən dözüm səbrimə,
İlləri ayları gözlətmədinmi?

Şəhla deyər nədən gen düşdün məndən,
Sən ki, bir soyuqluq görmədin məndən,
Bəs nədən ayrıldın sən öz eşqindən?
Vədə verib mənə gözlətmədinmi?
Mənə sevməyi sən öyrətmədinmi?

Şəhla Xəlilqızı.
13. 08.2022