Xəbərlər
15.06.2026, 12:59
SEVİNC YUNUSLU : Bu dünyada nədir ki, bizi bizdə tutası.. - FOTO
adına şərik olmaz..
Sənin olan bu şeir
qadına şərik olmaz
min kərə tövbə, tövhid..
Gecələri işıqlı,
gündüzləri fikirli,
Ayı göydə qaş çatan,
adamları baş qatan
bu eldə mənə doğma
şəhər sənsən yaxşı ki..
Doğuluşum sən oldun,
ölüm də səndən olsun.
Baş daşıma qonacaq
gülüm də səndən olsun.
Zülüm də səndən olsun…
Külüm də səndən olsun..
Görəcəyim tək gözəl-
günüm də səndən olsun..
gözümdən axan yaşa
qəhər sənsən yaxşı ki..
Bu ilk deyil göylərin
yağışını yorduğun..
Yolların ən didərgin
yoxuşunu yorduğun..
Yeni nəsə kəşf elə-
mənə hər gün vurul, yat..
Nə olsun ki, ayrıyıq
sevgimizə sarıl, yat..
Gözlərinin içində
ulduzların axdığı,
səhərəcən baxdığım
dodaqları mürgülü
nəfər sənsən yaxşı ki..
Bu dünyada nədir ki,
bizi bizdə tutası..
Bir küləyin əsməsi,
bir bulağın səsidi.
Eşqin olduğu nöqtə
dünyanın mərkəzidi,
dünya mərkəzə gəlsin..
Sən o mərkəzdə qal ki..
Bu eşq adlı vəbadan
şikayətimmi var ki?..
Qanıma hər gün hopan
zəhər sənsən yaxşı ki..
Son xəbərlər
Ən çox oxunanlar
- Bu gün
- Bu həftə
- Bu ay
