Yollar məni çəkmə dara.

Bir niskilim var qəlbimdə,
Haqq istəyir haqq səsimdə,
Payım qalıb dünya səndə,
Yollar məni çəkmə dara.

Ah çəkərəm dağlar ağlar,
Qəm çəkəni, qəm də dağlar,
Küssəm yardan eşqim ağlar,
Yollar məni çəkmə dara.

Sığınmışam dərdə qəmə,
Pəncərədir dünya demə,
Alış ürək qəflət sönmə,
Yollar məni çəkmə dara.

Dərdlə yola çıxdım hərdən,
Gen gəzəndə sevinc məndən,
Bir ricam var deyim səndən,
Yollar məni çəkmə dara.

Dindirsəniz dil ağılı,
Od istəməm sinəm dağlı,
Şəhla demə dərdə bağlı,
Əlacsız dərdimə çara,
Yollar məni çəkmə dara.

Şəhla Xəlilqızı.