SƏN QORU ALLAH - Şəhla XƏLİLQIZI

Xəbərlər / Nesr

24.03.2022, 23:25

SƏN QORU ALLAH - Şəhla XƏLİLQIZI

SƏN QORU ALLAH.

Hansı dərddən deyək dərmanı olsun,
Deyilən hər sözün fərmanı olsun,
İnsanın insana inamı olsun,
Bundan betərindən sən qoru Allah.

Həkim də, loğman da can alır pulla,
İnsanı döndərib nökərə, qula,
Müqəssir hakimlə gedir qol-qola,
Bundan betərindən sən qoru Allah.

Çörək də qalxıbdır ceyran belinə,
Maaşın adı var dəymir əlinə,
Dinsə dəyəcəkdir sözdən xətrinə,
Bundan betərindən sən qoru Allah.

Bir loxma çörəyə olurlar möhtac,
Kəsilir ümüdü qalmayır əlac,
Kimisi tox gəzir, kimisi də ac,
Bundan betərindən sən qoru Allah.

Artıq bayramlar da tarixə dönür,
Şamlar niyyətsizdir alışmır sönür,
Fələyin çarxı da deyim tərs dönür,
Bundan betərindən sən qoru Allah.

Doğruya "demoqoq" damğası vurur,
Giley, güzar etsə qulağın burur,
İnsanı yalançı inanclar yorur,
Bundan betərindən sən qoru Allah.

Nüvələr can alır, oyunlar üstə,
Yer yoxdur dünyada haqqa, dürüstə,
Yollar da yol alır hərə bir səmtə,
Bundan betərindən sən qoru Allah.

Şəhlayam, göynədir məni ağrılar,
Deyirmə buludlar bir gün dağlar,
Dünyaya yeni bir günəş doğular,
Biz də azad nəfəs alarıq vallah,
Bundan betərindən sən qoru Allah.

Şəhla Xəlilqızı.