Xəbərlər
28.07.2026, 13:15
Hollivud ulduzlarının telefon nömrələrini paylaşdılar
“Qafqazinfo” xəbər verir ki, bu barədə “The Daily Telegraph” nəşri kibertəhlükəsizlik mütəxəssislərinə istinadən məlumat yayıb.
Məlumata görə, haker hücumu nəticəsində Ancelina Coli, Robert de Niro, Şeron Stoun, Maylk Duqlas, Martin Skorseze, Corc Lukas, Morqan Friman, Cennifer Lourens kimi bir çox Hollivud ulduzunun şəxsi məlumatları internetdə paylaşılıb. Şəxsi məlumatlar arasında məşhurların telefon nömrələri, elektron poçt ünvanları, istifadə etdikləri “iPhone” modelləri və s. məlumatlar əks olunub.
“Tribeca” kinofestivalının təşkilatçıları sızma barədə məlumatlandırıldıqdan dərhal sonra hakerlərin paylaşdıqları məlumatlar silinib. Faktla bağlı araşdırma aparılır. Bu məlumatların hansı müddətə açıq mənbələrdə qaldığı hələlik müəyyən edilməyib.
Son xəbərlər
Ən çox oxunanlar
- Bu gün
- Bu həftə
- Bu ay
