Turaztv.az aia.az-a istinadən xəbər verir ki, millət vəkili bu dəfə vətəndaşları rayonun Uştalqışlaq kəndində qəbul edib. Qəbulun gedişində vətəndaşları narahat edən sosial yönümlü məsələlər və şəxsi müraciətlər müzakirə edilib. Kənd sakinlərini daha çox narahat edən məsələ su təchizatında yaşanan müəyyən problemlərlə bağlı olub.
Novruzəli Aslanov qəbul zamanı vətəndaşlar tərəfindən qaldırılan sosial yönümlü məsələləri və şəxsi müraciətləri qeydə alıb, onların həlli məqsədilə müvafiq qurumlar qarşısında məsələ qaldırılacağını bildirib.

Deputat Novruzəli Aslanovun keçirdiyi qəbulda iştirak edən Uştalqışlaq kənd sakinləri, eləcə də rayon ictimaiyyətinin nümayəndələri cənab Prezident İlham Əliyevə və Birinci vitse-prezident Mehriban xanım Əliyevaya İsmayıllı rayonuna göstərilən diqqət və qayğıya görə minnətdarlıqlarını bildiriblər.

Günün ikinci yarısında millət vəkili rayonun Qubaxəlilli kəndində olub. Burada Novruzəli Aslanov şəhidimiz Kənan Səlimzadənin anası Firuzə xanımın vəfatı ilə əlaqədar şəhid ailəsini ziyarət edib, onlara baş saglığı verib.