Xəbərlər
18.09.2026, 00:27
Rauf İLYASOĞLU : BİZ SƏNSİZ QALMIŞIQ, AY OQTAY QAĞA - FOTO
1977-82 ci illərdə Azərbaycan Texnologiya Universitetində oxuduğumuz və bu günə qədər dostluğumuzu davam etdirdiyimiz tələbə dostumuz, mərhum Oqtay Abbasəli oğlu Musayevin əziz xatirəsinə
Tovuz ellərində dünyaya gəldin,
Dostluq yollarında ucalan qağa.
Tələbə illəri yadımda qalan,
Mən sənə demərəm qocalan qağa.
Yaş üstə yaş gəlir, yaş sözün deyib,
Dostlarım qaymağın lap üzün yeyib.
Oqtay nə deyibsə, lap düzün deyib,
Düşməndən hər zaman bac alan qağa.
Atanın sözləri nur saldı yola,
Hər yaşın zirvədir, sevincdir, bala!
Müəllim nəfəsi güc verdi qola,
Dostlardan hər zaman güc alan qağa.
Xəstəlik qəfildən aldı canını,
Elə bil yeyirdi altdan qanını.
Qorudun hər yerdə öz ad-sanını,
Nə tez tərk elədin bizi, ay qağa.
Qağalar gəlibdir, gəl çıxaq bağa,
Əsrik dərəsindən qalxaq biz dağa.
Biz sənsiz qalmışıq , ay Oqtay qağa,
Demərik biz sənə qocalan qağa,
Xeyirxah qəlbinlə ucalan qağa!
Son xəbərlər
Ən çox oxunanlar
- Bu gün
- Bu həftə
- Bu ay
