Xəbərlər
15.09.2026, 00:12
Məlahət Behbudqızı : Sən olan yeri - FOTO
... Qırx gün nə tez gəldi, cənnət mələyim, Yoxluğuna alışmaq çətindən çətin... Əfsanəm... nur simalım
Şəkillərdə gülən qızım, acı gülüşlərin arxasında nələri gizlətdin, de, nələri?
... anan bu dərdə dözmür, nə olar dön geri...
Şəkillərdə gülən qızım, acı gülüşlərin arxasında nələri gizlətdin, de, nələri?
... anan bu dərdə dözmür, nə olar dön geri...
Sən olan yeri
(bacımın diliylə)
Yoxluğuna dözə bilmirəm, gülüm,
O soyuq məzardan oyan, dur yeri.
Gözümdə canlanır o lal baxışın,
Xəyallar bürüyür çən olan yeri...
Əlvan çiçəklərlə gəlir görüşə,
Ruhum doğma bilir yatdığın yeri.
Kədəri gizlədən şaqraq gülüşün,
Gör necə sızladır şən olan yeri...
Nə olar,insaf et, gözümün nuru,
Ayrılıq yamandır, getmə, dön geri.
Kimsəni üzməyə razı deyildin,
Boş qalıb solumun tən olan yeri...
O məsum baxışlar düşür yadıma,
Kaş sənli günləri qaytaram geri,
Gözlərim hər yerdə axtarır səni,
Sızladır qəlbimdə sən olan yeri...
Son xəbərlər
Ən çox oxunanlar
- Bu gün
- Bu həftə
- Bu ay
